Celebración do Día de Rosalía de Castro na Grande Obra de Atocha

Hoxe, 23 de febreiro, no noso centro educativo quixemos facer unha pequena pausa no ritmo das clases para lembrar a unha das voces máis importantes da nosa cultura: Rosalía de Castro.

No salón do colexio celebramos un acto sinxelo pero moi sentido. Houbo lectura de textos, música, momentos para escoitar as súas palabras e tamén para pensar no que seguen significando hoxe. Rosalía non é só unha autora que aparece nos libros: é unha maneira de entender Galicia, a lingua e tamén os sentimentos máis fondamente humanos.