Conmemoración do Día Escolar da Non Violencia e a Paz coa visita da alcaldesa da Coruña

Hoxe conmemoramos o Día Escolar da Non Violencia e a Paz (DENIP). Unha data para lembrar que a harmonía, a tolerancia e o respecto aos Dereitos Humanos son asignaturas que se practican todos os días. A paz non é só a ausencia de guerra; é a capacidade de resolver conflitos con diálogo e manternos unidos ante a adversidade.

E vaia se o puxemos en práctica hoxe. A chuvia impediunos a nosa marcha a María Pita, pero deunos a oportunidade de transformar o noso Patio de San Juan nun refuxio de esperanza.

Baixo teito, pero coa voz moi alta, o noso alumnado ergueu as súas luvas brancas como símbolo de inocencia e compromiso. A través da música e o manifesto, renovamos o noso compromiso de ser construtores de paz na nosa contorna máis próxima.

Grazas á alcaldesa, Inés Rey, e ao Concelleiro de Educación, Juan Ignacio Borrego, por unirse a este acto educativo e reivindicativo na nosa propia casa. A súa presenza lémbranos que a escola e a cidade deben camiñar da man cara a unha sociedade máis xusta.

Hoxe, máis que nunca: Amor e Paz.

#GOAtocha #Coruña #Educación #Paz #PPSAPT