Hoxe comeza na Grande Obra unha aventura marabillosa. Os cativos de infantil e primaria teñen por diante 21 días para conseguir que todos falemos en galego, mais non só na clase, tamén nos patios, no comedor, nos corredores, no servizo de atención, na visita, na portería… e despois, cando saímos do cole, imos facer que o falen nas nosas casas e nas actividades que fagamos.
Os rapaces e mozos da Grande Obra de Atocha estamos aquí para lembrar a importancia de falar en galego e non perder a nosa lingua tan querida, queremos dar voz a toda unha cultura, xa que nestes últimos anos, ao galego non se lle está dando a importancia que merece. Con todo isto queremos comprometernos a levar a cabo este programa, e non só na escola senón tamén nas nosas casas e cos nosos amigos.
Podedes seguir as nosas actividades no proxecto, xunto aos dos outros 9 Centros educativos participantes este ano, no blog oficial do proxecto:
https://blogs.xunta.gal/21diascogalegoemais/
21 DÍAS CO GALEGO E MÁIS!
21 Días co Galego e máis #GOAtocha #Galego #21DiasCoGalegoEmais #Proxecto #Infantil #Primaria #Coruña #TodosSomosISHNM