Somos un equipo multidisciplinar integrado por diferentes especialistas no ámbito educativo: pedagogos, psicopedagogos, psicólogas, profesores especialistas en Pedagoxía Terapéutica e profesoras especialistas en Audición e Linguaxe.

O noso principal obxectivo é apoiar o labor do centro e do conxunto do profesorado en todas aquelas actuacións encamiñadas a asegurar a formación integral do alumnado e á adaptación dos procesos de ensino aprendizaxe ás características e necesidades de todos os alumnos e alumnas.

Qué facemos?

As principais funcións do Departamento de Orientación, entre outras, son:

1. Colaboramos cos titores e profesores na prevención e detección de dificultades de aprendizaxe, e na realización de actividades de apoio educativas dirixidas aos alumnos que presentan necesidades educativas específicas, sexan permanentes ou temporais.
2. Participamos na avaliación psicopedagóxica e no deseño e desenvolvemento de medidas de atención á diversidade.
3. Valoramos as necesidades educativas dos alumnos e alumnas e deseñamos, desenvolvemos e avaliamos programas específicos de intervención.
4. Cooperamos desde o centro coas familias, implicándoas no proceso educativo dos seus fillos, asesorándoas e acompañándoas naqueles aspectos que favorezan o desenvolvemento integral do alumnado.
5. Establecemos canles de comunicación cos diferentes servizos ou institucións que poidan axudar/colaborar no proceso de formación integral dos nosos alumnos e alumnas.
6. Contribuímos ao desenvolvemento da orientación educativa, psicopedagóxica e profesional dos alumnos, especialmente no que concierne ao comezo, cambios de ciclo ou etapa e á elección entre as diferentes opcións académicas, formativas e profesionais.
7. Nos cursos de formación profesional específica, coordinamos a orientación laboral e profesional con outras administracións ou institucións.

Seccións informativas

• Aprender a aprender
• Acompañamiento a las familias
• Aprender a convivir
• Orientación vocacional

COMO CONTACTAR CON NÓS?

A través do teléfono do colexio: 981501393 / 689102521
O a través del e-mail: orientación.nsrosario@ishnm.com